Балабақша ұжымы нені мақтан тұтады: жыл қорытындысы

Өткен 2024 жылды қорытындылай келе, білім беру процесінің әрбір қатысушысының маңыздылығын атап өткім келеді, өйткені балабақша ұжымының, педагогтардың, балалар мен ата-аналардың бірлігі арқасында біз өз жұмысымыздың өнімділігі туралы айта аламыз.

Бізде мақтана алатыннан басқа көп нәрсе бар! Ол ең алдымен, ең кішкентай жаңа қабылданған балалар! Жақында біздің балабақшаға бара бастаған балалар жаңа күн тәртібі  режиміне толықтай үйреніп қалды. Ал, көпшілігі  өз -өзіне қызмет жасай алуға үйренді (әрине, тәрбиешілердің көмегімен).  

Бүгінгі күнде балабақшамызда 120 тәрбиеленуші тәрбиеленуде, соның ішінде 32-баланың  тамақтану шығындары мемлекет тарапынан толық көлемде өтелуге жататын жекелеген санаттар тізімінде.

Мемлекеттен  бөлінген қаржы бүгінгі күнде қызметкерлердің айлық жалақыларына, мекеменің салығына, коммуналдық шығындарына, байланыс қызметіне ақы төлеуге, дәрі-дәрмек сатып алуға  және басқа да қорларды сатып алуға, іс-сапар шығындарын өтеуге  жоспарланып, уақтылы төленіп отыр.  Қаржыландыру жоспарына сәйкес балабақша дәрі-дәрмекпен, кеңсе, жуу құралдары және жұмыскерлерді арнайы киімдермен қамтамасыз етіп келеді. Жұмыскерлер мекеменің есебінен міндетті медициналық тексерулерлерден уақытылы өтіп отырады.  

Балабақшадағы ауқымды жаңартулардың бірі - облыстық бюджет есебінен балабақшаның от жағатын ғимаратына және  төбе жабындысына ағымдағы жөндеудің жүргізілуі, балабақшаның  қаржыландыру жоспарының шартты үнемдеу есебінен Электр есептегіш шкафы толық жаңартылып орнатылды.  

 Жыл соңында топтарға 12-интерактивті қуыршақтар, «Лего-конструрирование» бөлмесіне «Магнетизм» мен «Лаборатория» дамытушы ойын құралдары, ас бөлмесіне арналған ыдыс-аяқтар алынды.

 Ата-аналардың демеушілігі есебінен «Улыбка» және «Рыбки» тобының  перделері жаңартылып, ойыншықтар жаңартылды.

Балабақшадағы қауіпсіздікті қамтамасыз ету  "Қазақстан Республикасының Білім беру саласындағы қызметті жүзеге асыратын террористік тұрғыдан осал объектілерді терроризмге қарсы қорғауды ұйымдастыру жөніндегі нұсқаулықты бекіту туралы" Қазақстан Республикасы Білім және ғылым министрінің 2022 жылғы 30 наурыздағы № 117 бұйрығы негізінде жүзеге асырылады.

Терроризмге қарсы қауіпсіздік: балабақшаның периметрі бойынша қоршауы бар, 19 бейнебақылау орнатылған, оның ішінде: 12 ішкі және 7 сыртқы, бірақ бақылау камераларынан бейнежазбаларды сақтау 30 күннен аз.

Дабыл түймесі 2023 жылдың 27 қазанында аудандық полиция бөліміне шығарылды .

Террористік тұрғыдан осал объектінің терроризмге қарсы қорғалуының паспорты (ақпараттық-анықтамалық құжат) аумақтық ішкі істер органының басшысымен келісілген.

Қызметкерлерді, тәрбиеленушілерді штаттан тыс жағдайдың туындауы (терроризм актісін жасау немесе жасау қаупі және туындаған салдарлар) туралы жедел хабардар ету және олардың іс-әрекеттерін үйлестіру мақсатында хабарлау жүйелерімен және құралдарымен жабдықталған. Қазіргі уақытта бейне- домофон жүйесін орнату жұмыстары жүргізілуде.

Өрт қауіпсіздігі:  өрт сөндіру құралдары қайта қаралып, толықтырылды, автоматты   өрт дабылы мен бейнебақылауға қызмет көрсету  мемлекеттік   сатып алу порталы арқылы жүргізіледі. Электр қондырғыларын профилактикалық сынауға, сымдар мен кабельдердің оқшаулауын, жерге тұйықтау құрылғыларының контурын сынауға және өлшеуге шарт жасалды. Нысанның инженерлік-техникалық жабдықтары әрқашан жұмыс күйінде сақталады.

Балаларды мектепке дейінгі ұйымға қабылдаудың ашықтығын қамтамасыз ету мақсатында ата-аналарға akmola.kz порталы арқылы  "Мектепке дейінгі ұйымдарға жіберу үшін мектеп жасына дейінгі балаларды (6 жасқа дейін) кезекке қоюға» бойынша  46 өтініш қабылданып, "Мектепке дейінгі ұйымдарға құжаттарды қабылдау және балаларды қабылдау" бойынша 61   мемлекеттік қызмет  көрсетілді.

«Е-otinish» Азаматтардың барлық өтініштерін қабылдау және өңдеу бірыңғай платформасы арқылы жеке және заңды тұлғалардан әр түрлі мазмұндағы жалпы 9 өтініштер мен ұсыныстар қаралып, өңделді.

Білім беру ұйымдары қызметінің нәтижелілігінің маңызды көрсеткіші білім беру қызметтерінің сапасын қамтамасыз ету болып табылады. Бұл ретте педагогтардың біліктілігін арттырудың маңызы зор. 4 педагог ( меңгеруші, музыка жетекшісі, педагог-психолог, тәрбиеші) біліктілік арттыру курстарынан өтіп сертификатқа ие болды.  Балабақшаның әдіскері Мемлекеттік басқаруды дамыту: мемлекеттік қызметтер көрсету сапасын арттыру бойынша курстан өтті.

 Балабақшаның 4 педагогының  «педагог-модератор» біліктілік санатын  иеленуі- педагогтердің шығармашылық қызметінің жақсы көрсеткіші, білім беру сапасын басқаруды жетілдіру тетігі болып табылады.

Балабақшаның ұжымдық шарты бойынша штатта тұрған, кәсіподақ мүшесіндегі  біліктілігі жоқ жұмыскерлерге жыл сайынғы ақылы еңбек демалысына шыққан кезде 2024 жылдан бастап лауазымдық жалақысы мөлшерінде сауықтыруға арналған жәрдемақы төленді, сондай-ақ  бухгалтер, кәсіподақ ұйымының төрайымына, шаруашылық меңгерушісіне, хатшыға негізгі еңбек демалыстарына қосымша үш күнге ақылы еңбек демалысы берілді.

Қазақстан Республикасының Еңбек Кодексіне сәйкес жеке дауларды шешу мақсатында келісу комиссиясының 4 мүшесі облыстық оқыту семинарына қатысып  сертификатқа ие болды. Балабақшаның шаруашылық меңгерушісі «Еңбекті қорғау жөніндегі техникалық инспектордың жұмысын ұйымдастыру және қоғамдық бақылауды жүзеге асыру тәртібі» бойынша курстан өтіп, сертификатқа ие болды.

Бос тұрған лауазымдық орындарға конкурс өткізіліп 2-  педагог  жұмысқа қабылданды.Педагогтерді жұмысқа қабылдау ҰБДҚ (НОБД) базасында  бос лауазымдық орынға 2 рет конкурс жарияланды. «Ұстаз»  педагогтің үздіксіз кәсіби даму ұлттық платформасында балабақша педагогтерінің барлық мәліметтері толтырылды.

Тәрбие және оқыту бағыты бойынша  жыл бойы түрлі іс-шаралар, конкурстар, семинарлар, ашық сабақтар, онлайн-сауалнамалар және  ата-аналар жиналыстары өткізілді.

Біздің барлық тәрбиеленушілер өздерінің шығармашылық, ақыл-ой және жеке қабілеттерін лайықты көрсетуде. Республикалық «ORLEU» педагогикалық шеберлікті дамыту орталығы ұйымдастыруымен өткен «Мерекелі, берекелі-Алтын күз!» атты жас таланттар байқауының үздік шығармашылығымен және қолөнер , жұмысы бойынша қатысып, дарындылығымен ерекшеленгені үшін 10 бала ( Демидова Кристина, Юсупов Эльдар, Иванова Алина, Скрипник Иван, Зуев Давид, Бекишева Лейла, Мартыненко Василиса, Кучальская Анна, Жуматаев Ернур, Наздрачев Платон) Дипломмен марапатталды. «Білімгер» Республикалық білім порталы ұйымдастырған «Қыс қызығы» көркем сурет пейзаж байқауына 5 бала (Сұлтанхамит Айдархан, Мархамет Айназ, Нұрбол Нұртас, Жанарбек Медина, Жұмабекұлы Омар) қатысып Дипломмен марапатталды. «Ғарышкерлер күні»  сурет байқауының аудандық кезеңінде Султанхамит Айдархан   2-ші дәрежелі Дипломмен марапатталды. Балабақша ішінде өткен конкурстарға да қатысқан балалар Диплом мен Мадақтамалармен марапатталды.

     2023 жылдың маңызды оқиғасы болып балабақшамызда сенсорлық  пен   «Лего-конструирование»  кабинеттерінің ашылуы болса, 2024-жылдың  маңызды оқиғасы  ол- балалардың  шығармашылығы  арқылы құндылықтарды дәріптеу мақсатында құрылған «Мультимагия» жобасының облыстық деңгейге танылып, интернет-ресурстар мен облыстық газеттерде жариялануы болды.

Біз барлығын: педагогтарды, ата-аналарды және  кішкентай тәрбиеленушілерімізді Жаңа 2025 жылмен құттықтаймыз!

Баршаңызға денсаулық, шығармашылық шабыт, сарқылмас қуат тілейміз!

Алда көптеген жоспарлар, идеялар бар!  Барлығы орындалып жүзеге асырылсын!

Балабақша меңгерушісі Г.Мукашева